Shqipëria po plaket shpejt

Plakja e popullsisë shqiptare ka përshpejtuar trendin.Të dhënat e INSTAT konstatojnë se në krahasim me një vit më parë  ka pasur një rënie me 10,1% të numrit të lindjeve. Ndërkohë që drejtoresha e INSTAT gjatë raportimit në Komisionin e Ekonomisë pranoi se kjo është një sfidë që do vijojë edhe në 30 vitet e ardhshme. Qytetet që kanë rënie më të madhe të lindjeve janë Gjirokastra  dhe Shkodra.

Popullsia shqiptare vijon të pësojë një rënie drastike.Të dhënat e INSTAT tregojnë se në tre muajt e parë të këtij viti numri i lindjeve ka rënë me 10,1%, krahasuar kjo me një vit më parë.

Nga 12 qarqe të vendit, 9 prej tyre pësuan rënie të numrit të lindjeve në tremujorin e parë 2019, ndërsa rëniet më të mëdha në përqindje të lindjeve gjatë kësaj periudhe u shënuan në qarkun e Gjirokastrës me 21,8 % dhe qarkun e Shkodrës me 19,4 %.

Kryeqyteti vijon që të ketë numrin më të lartë të lindjeve e lidhur me faktin se ka numrin më të lartë të popullsisë por përsëri nëse e krahasojmë me një vit më parë edhe në Tiranë lindjet kanë shënuar rënie me 9,4 %.

Ulja e lindëshmërisë dhe emigrimi janë cilësuar si një problematikë që do vijojë në vitet në vijim edhe nga drejtoresha e INSTAT, Delina Ibrahimaj, gjatë raportimit në Komisionin e Ekonomisë dhe Financave,

Rënia e lindshmërisë në vend është një problematike e cila po njeh thellim vitet e fundit për shkak të planifikimit më të mirë familjar, kushteve ekonomike dhe sociale por edhe për shak të emigrimit të shqiptarëve.

Loading...

PËRGJIGJU

Please enter your comment!
Please enter your name here