Deputetja italiane kërkon ndërhyrjen e qeverisë së saj në Shqipëri: Kriza po kap majat

Përmes një deklarate deputetja italiane Erica Mazzeti e “Forza Italia” ka kërkuar nga qeveria e shtetit fqinj që të reagojë për krizën politike shqiptare.

Mazzeti bën një panoramë të situatës aktuale në Shqipëri dhe kërkon nga politika e jashtme italiane që të ndërhyjë në interes të shtetasve të saj italianë në vendin tonë.

Deklarata e plotë e deputetes italiane:

Shqipëria është në mes te një krize të thellë institucionale, siç raportohet edhe nga të gjitha mediat. Kryeministri Edi Rama po kërkon te shkarkojë presidentin Meta, menjëherë sapo ky i fundit mori vendimin për të anuluar datën e zgjedhjeve lokale, te cilat ishin në prag.

Ai e përkufizoi vendimin e presidentit si një vetëvrasje. Më herët, lideri i opozitës, Lulzim Basha, kryetar i Partisë Demokratike (anëtare e PPE), hoqi dorë nga mandati i deputetit, së bashku me të gjithë kolegët e partisë së tij, duke theksuar lidhjet e vazhdueshme ndër vite mes Ramës dhe lordëve të drogës, që eksportojnë pandërprerë drogë drejt Italisë. Basha e cilësoi në media kërcënimin e Ramës për shkarkimin e presidentit si një blof.

Tensioni në Shqipëri ka prekur majat. Kujtoj se janë të shumtë italianët që kanë kapërcyer Adriatikun dhe kane themeluar atje sipërmarrjet e tyre. Pra, është urgjente reagimi i qeverisë italiane, ne mbrojtje të qytetarëve tanë atje.

Lajmet politike që vijnë nga Shqipëria nuk mund të konsiderohen një kronikë e largët për ne. T’i kthejmë shpinën këtij realiteti do te ishte një sinjal i dobësisë së politikës tonë të jashtme.

Nga Shqipëria po na vjen një kërkesë e thekshme për ligjshmëri. Italia duhet t’u përgjigjet gjithmonë “këtu” këtyre kërkesave për ndihmë.

Loading...

PËRGJIGJU

Please enter your comment!
Please enter your name here